भोजपुर जिल्लाको गाउँपालिका–२ धोद्लेखानीमा  एक हृदयविदारक घटना भएको छ, जहाँ एकै परिवारका चार सदस्यको ज्यान गएको छ। स्थानीय बासिन्दा राजेन्द्र राईले पारिवारिक विवादकै क्रममा आफ्नै ससुरा पक्षका चार जनाका ज्यान लिएका हुन् भन्ने प्रारम्भिक अनुसन्धानबाट खुलेको छ। घटनाबारे प्रहरीलाई जानकारी समेत अभियुक्त आफैँले दिएका थिए। शनिबार रातको करिब १ बजे उनले प्रहरी कन्ट्रोल रुममा फोन गरेर आफूले गरेको अपराध स्वीकारेका थिए।

प्रहरी टोली तत्काल घटनास्थल पुग्दा चारै जनाको शव फेला परेको थियो। मृत्यु हुनेमा प्रहरीका अनुसार ६८ वर्षीय बेलबहादुर गिरी, उनकी श्रीमती ४५ वर्षीया मञ्जु गिरी, १६ वर्षीया मनिषा गिरी र मनिषाको ९ वर्षीय भाइ सपन गिरीको हत्या भएको छ। ज्वाइँ राजेन्द्र राईले ससुरा बेलबहादुर, सासु मञ्जु, श्रीमती मनिषा र सालो सपनसहित चार जनाको हत्या गरेको  प्रारम्भिक अनुसन्धानबाट खुलेको प्रहरी भनाइ छ। सबैको मृत्यु धारिलो हतियारको प्रहारबाट भएको प्रारम्भिक अनुमान गरिएको छ।

प्रहरीले घटनापछि राईलाई नियन्त्रणमा लिएको छ। उनी स्वयं पनि घाइते अवस्थामा फेला परेका थिए, विशेष गरी पेटमा चोट लागेको जानकारी प्रहरीले दिएको छ। उनलाई उपचारका लागि स्थानीय अस्पतालमा भर्ना गरिएको छ र थप अनुसन्धान भइरहेको छ। स्थानीयवासी यो घटनाबाट स्तब्ध छन्। एक सामान्य लाग्ने पारिवारिक मनमुटावले यस्तो भयावह रूप लिने कुराले सबैलाई झस्काएको छ। घटनाको विस्तृत अनुसन्धानपछि मात्र यसमा वास्तविक कारण के थियो भन्ने खुल्ने अपेक्षा गरिएको छ।